قصيده للاديب الشاعر اشرف محجوب بعنوان اللعب بالمشاعر

اشرف محجوب
# اللعب بالمشاعر#
* عايزه اعرف *
*ياريت تقول وتجيب النهايه
وﻻ هاستنى تجيلى العنايه .
* اﻻلهيه وتكون بشرايه
وفهمنى وضعك ايه .
* ياترى هانلعب استغمايه
وافضل باصه انا ورايه.
*دى حكايه وطالت معايه
واخرتها هاتبقى ايه .
*حكايتنا بدأت بهمسه
وحسيتها من اول لمسه .
*وحاولت يوم ليك اتسى
وفى حبك انا هاعمل ايه .
*واقول اتقدم . تقول لسه
بكون نفسى وفاضل خمسه.
*وأخلص حكايتنا فى جلسه
بدل ما آجى وأترفض ليه.
*وخايفه الحكايه تكون أحﻻم
وتكون فى النهايه كلها أوهام.
*وافضل سهرانه أنا و ماانام
ويموت قلبى من الحزن عليه .

من كلمات : اشرف محجوب

إ