قصيده للشاعر المبدع والمتألق مهندس ابراهيم خليل بعنوان كحل هوايا مراود وغايا

من طرف **Admin** السبت فبراير 28, 2015 10:43 am

12:42:4328.02.2015

ابراهيم خليل
3 ساعة
كحل هوايا مراود وغاية
=======
------
حطيت كحل هوايا فى المراود
والفؤاد اللى ابتدى نفس الحكاية
لسة واقف .. لسة شاهد
ملتقاش ع الخدود شواهد
الجمال كان طبيعى
وكل شىء فى الحب وارد
لية نضيع حبنا فى قلب شارد
كل دنيانا نعيم
وكل حياتنا شوق مقيم
حتى حلم حبنا ما كان عقيم
لية نعيش فى الجديد
ويضيع منا القديم
والسنين مليانة حس .... بارد
ياريت تجيب لي الكحل
من عيونة ديّ
ياريت تحن عليّا ..... شوية
بعت حبى وإنشغالى بأى حب
ومهما سهرت الليالى
ودق قلب
مش حلاقى زيك ... يا غالى
أنت لى وطن ودرب
حتى فيك القلب ... رايد
يجرى أية لو قابلت عابد
وحنيت علية .. بس شوية
الهنى قدام ...... عينيىّ
ياريت مهاود كنت بتمنى
أقرب من أحلى ... جنة
كل المشاهد لما تتمنى
إن ربيع الحب يبقى جنة
بعت حبى وإنشغالى
وإرتضيت ....... يا زمانى
تبقى ليّا بس ماتضحك عليّا
مرة تانى بالمحبة وبالأمانى
وانت رافض شىء مكانى
ومابين صمت . .. وهمس
كلمة حلوة .... قولتهالى
بس مكتوبة فى فؤادى
أحبك .... . يا حياتى
هى دى الكلمة
ممكن بيها ... تنادى
قلبى المجروح ليلاتى
كم حرف عليك وشاهد
وانت قلبك لسة جاحد
الزاى آمن عليك آهاتى
وانا طول وقتى بنادى
بحبك بحبك يا حياتى
== كلمات : الشاعر المصرى
ابراهيم خليل
/////////////////////////////

إعجاب ·

ت