خاطره بعنوان حتة سكر للشاعر علي فرج

‏علي فرج ( خواطر ادبية )‏ مع ‏منه شلبى‏ و‏‏118‏ آخرين‏
حتة سكر *
ــــــــــــــــــــــــــــ
معقوله نسيت ؟
ولا بتتقل !
بقى لما مشيت 
راجع تسأل !! 
وتقوللي نسيت وبتتعذّر ! 
هو انت حويط وبتتمكّر !
ولّا لوعودي بتتنكّر !
ولّا اكمنّك حتة سكر ،
فاكر على بعدك مش هقدر 
دنا سهمي يصيب الف واكتر
فبلاش تعاندني وتتكبّر
وتميل بالأد وتتمختر
دنا بيري غويط إوعى تفكّر
لو تشرب منه أكيد تسكر
ولا تقدر تبعد عن بابه
وان صدّك ما هتقدر تصبر
بس اوعى تفكر تتهور
وتزقّ الباب مش راح تقدر
حتى ولو فيك قوة عنتر .
لو حبة حنيّه هتقدر
مفتاح الباب 
رضا مش أكتر !!!
ــــــــــــــــــــــــــــــ
علي فرج 
الثلاثاء 4 نوفمبر 2014م